Ózbekstan Respublikası Prezidenti Shavkat Mirziyoev Qatar Ámiri Shayx Tamim bin Hamad Ol Soniydiń mirát etiwine bola ámeliy sapar menen Doha qalasına keldi.

Mámleketimiz basshısın Qatar Bas ministriniń orınbasarı, qorǵanıw isleri boyınsha mámleket ministri Shayx Saud bin Abdurahmon Ol Soniy hám basqa rásmiy shaxslar kútip aldı.
Shayx Hamad atındaǵı xalıqaralıq aeroportta joqarı mártebeli miymanniń húrmetine húrmetli qarawıl sap tarttı, eki mámlekettiń mámleketlik bayraqları kóterildi.
Sapardıń baǵdarlamasına muwapıq, Ózbekstan Prezidenti 4-noyabr kúni Sociallıq rawajlanıw boyınsha ekinshi Jáhán sammitinde qatnasadı.
Mámleketimiz basshısı kámbaǵallıqtı qısqartıw, xalıqtıń bántligin támiyinlew, jámiyetlerdiń turaqlılıǵı, sociallıq ádilligin hám inklyuzivligin arttırıw, bilim alıw imkaniyatların keńeytiw, klimat ózgeriwine beyimlesiw hám basqa baǵdarlarda bir qatar baslamalardı alǵa qoyıwı kútilmekte.
Sammit sheńberinde joqarı dárejedegi sóylesiwlerdiń ótkeriliwi de názerde tutılǵan.

ÓzA