Prezident Pármanına bola, tómendegiler qayta shólkemlestiriledi:

🔹 Analitikalıq hám izertlew strukturaları jumısın shólkemlestiriw boyınsha muwapıqlastırıwshı keńes Ózbekstan Respublikası Prezidenti janındaǵı Strategiyalıq rejelestiriw hám rawajlanıw boyınsha muwapıqlastırıwshı keńes etip;
🔹 Prezident janındaǵı Strategiyalıq reformalar agentligi Ózbekstan Respublikası Prezidenti janındaǵı Strategiyalıq rawajlanıw hám reformalar agentligi etip;
🔹 Strategiyalıq reformalar agentligin qollap-quwatlaw qorı Ózbekstan Respublikası Prezidenti janındaǵı Strategiyalıq rawajlanıw hám reformalar agentligin qollap-quwatlaw qorı etip.
Muwapıqlastırıwshı keńes ministrlikler hám uyımlar, jergilikli atqarıwshı hákimiyat uyımlarınıń usı tarawdaǵı jumısın muwapıqlastırıw ushın juwapker bolǵan uyımlararalıq kollegiallıq uyım esaplanadı.
Muwapıqlastırıwshı keńes 1- hám 2-dárejeli strategiyalıq rejelestiriw hújjetleriniń joybarların olardı qabıl etiwdiń maqsetke muwapıqlıǵı kózqarasınan kórip shıǵadı.

Qaraqalpaqstan xabar agentligi