Rossiya Federaciyasınıń baslaması menen Moskva qalasında ótkerilip atırǵan “Burya” xalıqaralıq studentler forumında Ózbekstanda joqarı bilimlendiriw mákemelerinde sport klublarınıń jumısı sistemalı jolǵa qoyılǵanı tán alındı.

Belarus, Qazaqstan, Qırǵızstan, Izrail, Ózbekstan hám Rossiya mámleketleriniń universitetleri sport federaciyalarınıń basshıları qatnasıwında ótip atırǵan forumda sport klublarınıń jumısın rawajlandırıw baǵdarında ámelge asırılǵan reformalar haqqında sóz etildi.
Ózbekstan studentler sportı associaciyası baslıǵınıń orınbasarı Erkin Qodirov ánjuman dawamında jıynalǵanlarǵa mámleketimizdiń joqarı bilimlendiriw mákemelerinde sport klublarınıń jumısı sistemalı jolǵa qoyılǵanı, hár qıylı ǵalabalıq jarıslar, atap aytqanda, sport túrleri boyınsha “Rektor kubogi”, “Studentler ligası”, “Bes baslama olimpiadası” sıyaqlı kompleksli jarıslar sistemalı ótkerilip kiyatırǵanına toqtap ótti.
Ózbekstanda studentler háreketi jańa baǵdarda rawajlanıp atırǵanı Rossiya Federaciyası hám basqa da mámleketlerdiń sport federaciyaları tárepinen tán alınıp, bul tájiriybeni xalıqaralıq maydanda engiziw boyınsha usınıslar alǵa qoyıldı.

T.Rwziev, ÓzA