Oman mámleketiniń Maskat qalasında sporttıń Regbi-7 túrinen qızlar arasında ótkerilgen Asia Rugby Emirates Sevens Trophy 2025 jarısında Ózbekstan saylandı komandası sıylı 1-orındı iyeledi.

Quwanıshlı tárepi sonda, komanda quramında qaraqalpaqstanlı qızlarımız da qatnasıp, elimizdiń abırayın múnásip qorǵadı. Atap aytqanda, N.Nawrızbaeva, A.Abzieva, Sh.Allambergenova, H.Allambergenova hám N.Jumabaeva jarısta belsene qatnastı.
Búgin Ózbekstan máhálleleri awqamı Qaraqalpaqstan Respublikası basqarmasınıń baslıǵı, Qaraqalpaqstan Regbi federaciyasınıń baslıǵı Saǵındıq Turmanov sportshı qızlarımızdı jıllı júzlilik benen kútip alıp, olarǵa hám ustazlarına shın kewilden minnetdarshılıq bildirdi hám kelesi jarıslarda jáne de joqarı nátiyjelerdi kirgiziwine tilekleslik bildirdi.
– Ózbekstan saylandı komandası quramında Qaraqalpaqstannan 5 qızdıń qatnasıwı – bul biziń regbi federaciyamız ushın úlken jetiskenlik hám maqtanısh,” – dep atap ótti Saǵındıq Turmanov.
Ilaj sońında sportshı qızlarǵa estelik sawǵaları tapsırıldı.

Adilbay Orazov,
Qaraqalpaqstan xabar agentligi sholıwshısı.