Oraylıq bank kommerciyalıq banklerdiń jumısın jáne de ashıq-aydın hám ádil etiw maqsetinde bank xızmetleri tutınıwshıları menen qatnasıqlarda qoyılatuǵın minimal talaplardı jańaladı.

🔹 Jańa chek-list engiziledi – ol arqalı qarıydar kredit alıwdaǵı barlıq qáwip-qáter hám minnetlemeler haqqında aldınnan maǵlıwmat aladı.
🔹 Kredit tólemlerin keshiktirip atırǵan puqaralar ushın shártnamanı ózgertiw hám jeńillik beriw tártibi belgilenedi.
🔹 Bankler puqaralardı artıqsha qarızǵa shaqırmawı, mámleketlik napaqalar esabınan qarız óndirmewi haqqındaǵı qaǵıydalar kúsheytildi.
🔹 Klienttiń razılıǵısız aldınnan belgilengen belgiler yaki kredit parametrlerin kirgiziwge jol qoyılmaydı.
🔹 Amanatlarǵa kepillik beriw sisteması haqqında anıq hám standart maǵlıwmat beriw minnetlemesi engizilmekte.
Jańa normalar 2026-jıl 29-yanvardan kúshke kiredi.

Qaraqalpaqstan xabar agentligi