30-oktyabr – 13-noyabr kúnleri Samarqandta ótkeriliwi belgilengen YuNESKO Bas konferenciyasınıń 43-sessiyası sheńberinde búgin Samarqand xalıqaralıq turizm orayında YuNESKO isleri boyınsha Milliy komissiyalardıń 12-májilisi óz jumısın basladı.

Májilisti YuNESKO isleri boyınsha Ózbekstan Milliy komissiyasınıń baslıǵı Gayane Umerova ashıp berdi hám májilis baslıǵı etip saylandı.
Ol óziniń shıǵıp sóylegen sózinde keńestiń kún tártibi mazmunǵa bay ekenin hám YuNESKO jumısı ushın áhmiyetli baǵdarlardı óz ishine alǵanın atap ótti.
Májiliste jaslar siyasatınıń rawajlanıwı, mámleketler, puqaralıq jámiyeti hám jeke menshik sektor arasındaǵı birge islesiwdi kúsheytiw, turaqlı rawajlanıw, inklyuzivlik máseleleri dodalanbaqta.

Ǵ.Hasanov, ÓzA