“Kásiplik bilimlendiriw sistemasında reformalardı ámelge asırıw ilajları haqqında”ǵı Prezident qararı (PQ-316-sanlı, 23.10.2025 j.) qabıl etildi.

Tómendegiler kásiplik bilimlendiriw sistemasın 2030-jılǵa shekem reformalawdıń tiykarǵı maqsetli kórsetkishleri etip belgilendi:
– xalıqaralıq hám birgeliktegi bilimlendiriw baǵdarlamaları engizilgen texnikumlardıń sanın keminde 250 ge jetkeriw;
– 9-klass pitkeriwshileriniń kásiplik bilimlendiriw menen qamtıp alınıwın ámeldegi 29 procentten 50 procentke jetkeriw;
– sırt elde tájiriybe arttırıw hám stajirovka ótew baǵdarlamalarında qatnasqan pedagoglardıń sanın 100 den 2 500 ge jetkeriw.
Mekteptiń 10-klass oqıwshılarına oqıwın texnikumlarǵa kóshiriwge ruxsat beriledi.
2026-jıldan baslap 5-may kúni “Kásip hám miynet kúni” sıpatında hár jılı keńnen belgilenedi hám onıń sheńberinde jámiyetshilik, ásirese, jaslar arasında kásiplerdiń tartımlılıǵın arttırıw hám kásiplik bilimlendiriwdi ǵalaba en jaydırıwǵa qaratılǵan ilajlar sistemalı túrde ámelge asırıladı – dep málimleme beredi xabar.uz saytı.

Qaraqalpaqstan xabar agentligi