Prezident Shavkat Mirziyoev tárepinen kásiplik bilimlendiriw sistemasın reformalawǵa qaratılǵan párman hám qararǵa qol qoyıldı. Tiykarǵı jańalıqlar:

– Kásiplik bilimlendiriw agentligi shólkemlestirildi (Joqarı bilimlendiriw, ilim hám innovaciyalar ministrligi janında). Agentlik texnikumlardıń jumısın muwapıqlastırıw hám tarawdı basqarıwǵa juwapker.
– Tiykarǵı maqsetler belgilendi (2030-jılǵa shekem):
– 9-klass pitkeriwshilerin kásiplik bilimlendiriw menen qamtıp alıw 29 procentten 50 procentke jetkeriledi.
– Dual bilimlendiriw úlesi 9% ten 40% ke arttırıladı.
– Xalıqaralıq / birgeliktegi baǵdarlamalar engizilgen texnikumlardıń sanı 250 ge jetkeriledi.
– Qarjılay xoshametlewler hám tańlawlar:
– 2026-2027-oqıw jılınan dual bilimlendiriwdegi oqıwshılarǵa BEMniń bir esesi muǵdarında stipendiya tólenedi.
– 2026-jıldan baslap milliy reytingtiń eń jaqsı 50 texnikumınıń hár biri BEMniń 3 000 esesi muǵdarında xoshametlenedi.
– Hár jılı Prezident sıylıǵı ushın “Kásiplik sheberlik milliy tańlawı” ótkeriledi.
– 2030-jılǵa shekem texnikumlardıń jumısın toqtatıw hám olarǵa tiyisli múlkti menshiklestiriwge moratoriy engizildi.

Qaraqalpaqstan xabar agentligi