Oliy Majlis Nızamshılıq palatasınıń Háreket baǵdarlamasına muwapıq, tómengi palata májilislerinde húkimet aǵzaları hám mámleketlik uyımlar basshılarınıń óz jumısına baylanıslı máseleler, nızamlar hám mámleketlik baǵdarlamalardıń orınlanıwın támiyinlew baǵdarındaǵı jumısları boyınsha málimlemeleri tıńlanıp kelinbekte.

Tómengi palatanıń búgingi májilisinde ádillik ministri A.Toshqulovtıń “Xalıqqa mámleketlik xızmetlerdi kórsetiw tarawında qosımsha qolaylıqlar jaratıw boyınsha ámelge asırılıp atırǵan jumıslar haqqında”ǵı málimlemesin tıńlaw haqqındaǵı másele kórip shıǵıldı.
Atap ótilgenindey, mámleketimizde mámleketlik xızmetlerdi kórsetiw sistemasın jetilistiriw, xalıqtıń aralıqtan turıp elektron mámleketlik xızmetlerden erkin paydalanıw imkaniyatların keńeytiw boyınsha keń kólemli jumıslar ámelge asırılmaqta.
Deputat Nawrız Yusupovtıń atap ótkenindey, bul háreketlerdiń nátiyjesinde búgin mámleketlik xızmetler orayları tárepinen kórsetiletuǵın xızmetler sanı 467 ge jetti. Birden-bir interaktiv mámleketlik xızmetler portalı arqalı kórsetilip atırǵan xızmetler sanı bolsa 771 di quramaqta.
Biraq tarawda ámelge asırılıp atırǵan ilajlarǵa qaramastan, alıs hám shetki aymaqlarda jasaytuǵın puqaralarımızǵa mámleketlik xızmetler kórsetiwde ayırım mashqalalar baqlanbaqta. Sanlastırıw hám málimlemelestiriw sistemalarınan jeterli dárejede paydalanılmay atırǵan jaǵdaylar bar. Yamasa máhálleden turıp, mámleketlik xızmetlerdi alıwda oray filiallarınıń jeterli dárejede shólkemlestirilmegeni, maman qánigelerdiń jetispewshiligi sıyaqlı kemshilikler bar.
Sonnan kelip shıǵıp, bul másele boyınsha ádillik ministriniń málimlemesin tıńlaw haqqında tiyisli qarar qabıl etildi.

ÓzA