Nızamshılıq palatasınıń májilisinde joqarı bilimlendiriw, ilim hám innovaciyalar ministri K.Sharipovtıń “Korrupciyaǵa qarsı gúresiw boyınsha mámleketlik baǵdarlamalardıń orınlanıwı hám tarawda korrupciya faktorların saplastırıw baǵdarında ámelge asırılıp atırǵan jumıslar haqqında”ǵı málimlemesin tıńlaw haqqındaǵı másele kórip shıǵıldı.

Atap ótilgenindey, mámleketimizde bilimlendiriw sistemasında korrupciyanıń hár qanday túrine qarsı gúresiw, tarawdı korrupciyadan jıraq sistemaǵa aylandırıw maqsetinde sanlastırıw processlerin keńeytiw boyınsha keń kólemli jumıslar ámelge asırılmaqta.
Bul baǵdardaǵı ilajlarǵa qaramastan, joqarı bilimlendiriw mákemelerinde mámleketlik satıp alıwlardı ámelge asırıw, studentlerdi bahalaw sistemasın ashıq-aydın túrde jolǵa qoyıw, mámleketlik emes joqarı bilimlendiriw mákemelerin licenziyalaw jáne jaslarda korrupciyaǵa mawasasız múnásibetti qáliplestiriw baǵdarında ayırım mashqalalar baqlanbaqta.
Sonnan kelip shıǵıp, bul másele boyınsha joqarı bilimlendiriw, ilim hám innovaciyalar ministriniń málimlemesin tıńlaw haqqında tiyisli qarar qabıl etildi.

ÓzA