Ózbekstan Respublikası Ayrıqsha jaǵdaylar ministri B.Qudratxwjaev, Qaraqalpaqstan Respublikası prokurorı Sh.Aminovlar respublikamızda juwapker uyım hám shólkemlerdiń gúzgi-qısqı máwsimge tayarlıq hám máwsimdi zıyansız ótkeriw, hár qıylı unamsız aqıbetlerge alıp keliwshi ayrıqsha jaǵdaylardıń aldın alıwǵa qaratılǵan ilajlardıń jaǵdayın úyrendi.

Atap aytqanda, “Taqıyatas ÍES” AJ hám “Taqıyatas neftbaza” JShJ aymaǵında Arqa-batıs áskeriy okrugi sárkardalıǵı menen birgelikte gúzgi-qısqı máwsimde ayrıqsha jaǵdaylardıń aldın alıw hám bunday jaǵdaylarda háreketleniw, saplastırıw, xalıq hám aymaqtı ayrıqsha jaǵdaylardan qorǵaw boyınsha taktikalıq oqıw shınıǵıwlarında qatnastı.
Bunnan tısqarı, Qońırat rayonındaǵı quwatlılıǵı jılına 4,5 millliard metr kub tábiyǵıy gazdi qayta islewge mólsherlengen ” Uz-Kor Gas Chemical” QK JShJnıń máwsimge tayarlıǵı, xızmetkerlerge jaratılǵan sharayatlar menen tanıstı.

Qaraqalpaqstan xabar agentligi.