2025-jıl 24-oktyabrdegi Húkimet qararı menen “Ózbekstan Respublikası Sawda-sanaat palatası janındaǵı Salıqqa baylanıslı kelispewshilikler boyınsha ekspert keńesi haqqında”ǵı reje tastıyıqlandı.

Reje Ózbekstan Respublikası Sawda-sanaat palatası janındaǵı Salıqqa baylanıslı kelispewshilikler boyınsha ekspert keńesiniń jumısın shólkemlestiriw hám isbilermenlik subektleri hám salıq uyımları arasında júzege kelgen salıqqa baylanıslı kelispewshiliklerdi kórip shıǵıw hám olar boyınsha juwmaqlar beriw tártibin belgileydi.
Isbilermenlik subektleri hám salıq uyımları arasında júzege kelgen salıqqa baylanıslı kelispewshiliklerdi kórip shıǵıw hám olar boyınsha juwmaqlar beriw, salıq nızamshılıǵına baylanıslı normativlik-huqıqıy hújjetlerdi hám olardıń qollanılıwın úyreniw, sonday-aq, huqıqtı qollanıw ámeliyatınıń sapasın arttırıw boyınsha usınıslar islep shıǵıw, salıqqa baylanıslı kelispewshiliklerdi kórip shıǵıwda biznes jámiyetshiligi, mámleketlik uyımlar hám shólkemler jáne ilimiy shólkemler menen óz-ara birge islesiwdi ornatıw Keńestiń tiykarǵı wazıypaları bolıp esaplanadı.
Keńestiń quramı Ózbekstan Respublikası Prezidentiniń qararı menen tastıyıqlanadı. Keńes májilisleri bir ayda keminde eki márte ótkeriledi.

ÓzA