Bryusselde qol qoyılǵan Evropa Awqamı hám Ózbekstan Respublikası arasındaǵı kúsheytilgen sheriklik hám birge islesiw haqqındaǵı kelisim xalıqaralıq basılımlar tárepinen Prezident Shavkat Mirziyoevtiń áyyemgi kontinentke saparınıń logikalıq hám ámeliy nátiyjesi sıpatında bahalanbaqta.

Italiyanıń ANSA málimleme agentligi mámleketimiz basshısınıń saparı haqqında járiyalanǵan maqalada bul hújjet 2024-jıl aprel ayında Samarqandta bolıp ótken “Evropa Awqamı – Oraylıq Aziya” sammitinde erisilgen kelisimlerdiń nátiyjesi sıpatında óz-ara qatnasıqlardı jańa strategiyalıq basqıshqa alıp shıǵatuǵını atap ótilgen.
Evropa keńesi prezidenti Ursula fon der Lyayenniń atap ótiwinshe, “Ózbekstan Evropa ushın Oraylıq Aziyadaǵı isenimli sherik bolıp qalmaqta. Jańa kelisim puqaralar mápi jolında uzaq múddetli birge islesiwdi bekkemleydi”.
Kelisim jasıl energetika hám sanlı ekonomika tarawlarında birge islesiw kólemin keńeytiw, Transkaspiy koridorı arqalı regionallıq baylanıslardı kúsheytiw hám “Global Gateway” baslaması sheńberinde joybarlardı ámelge asırıwdı názerde tutadı.
Italiya basılımınıń jazıwınsha, respublikamızdıń Jáhán sawda shólkemine aǵza bolıw boyınsha sóylesiwlerdi juwmaqlaw Evropa menen ekonomikalıq sheriklikti jańa basqıshqa kóteriw imkaniyatın beredi. Ulıwma, Bryusseldegi kelisim EA hám Ózbekstan arasındaǵı siyasiy isenim, ekonomikalıq jaqınlasıw hám strategiyalıq sherikliktiń jańa basqıshın baslap berdi.

Dilshod HAKIMOV, ÓzA