Evropa keńesiniń Prezidenti Antoniu Koshta sociallıq tarmaqtaǵı betinde Evropa Awqamı hám Ózbekstan arasındaǵı keńeytilgen sheriklik hám birge islesiw haqqındaǵı jańa kelisim (EPCA) “siyasiy hám ekonomikalıq baylanıslardı tereńlestiriw ushın ájayıp tiykar bolatuǵının” atap ótip, bul hújjetti eki tárepleme qatnasıqlardıń “áhmiyetli basqıshı” dep atadı.

Sonday-aq, ol Prezident Shavkat Mirziyoevqa saparı ushın minnetdarshılıq bildirip, “EA isenimli sherik bolıp qalıwı hám qońsıshılıqtan tańlaw tiykarındaǵı strategiyalıq birge islesiwge ótiw jolında birdey ekenin” atap ótti.
Bizge belgili, búgin mámleketimiz basshısı Evropa keńesi hám Evropa komissiyası Prezidentleri Antoniu Koshta hám Ursula fon der Lyayen menen ushırastı.
Aldın tárepler Bryusselde EPCA ǵa qol qoyılıwı múnásibeti menen birgeliktegi bildiriw járiyaladı. Hújjette atap ótiliwinshe, bul kelisim siyasat, ekonomika, turaqlı rawajlanıw hám ámeliy birge islesiwdiń basqa da bir qatar baǵdarlarındaǵı baylanıslardı keńeytip, óz-ara qatnasıqlardı jańa basqıshqa kóteredi.
Maǵlıwmat ornında aytıw kerek, házirgi eki tárepleme shártnamalıq-huqıqıy bazanı jetilistiriwge xızmet etetuǵın EPCA EA – Ózbekstan qatnasıqlarına uzaq múddetli turaqlılıq hám anıqlıq baǵıshlawı kútilmekte.

Abduaziz XIDIROV, ÓzAnıń xabarshısı