24-26-oktyabr kúnleri Buxara wálayatında sporttıń Sambo túrinen veteran sportshılar arasında Jáhán chempionatı bolıp ótti.

Jarısqa dúnya júziniń túrli mámleketlerinen 400 den aslam sport sheberleri jeńimpazlıq ushın óz-ara gúres alıp bardı.
Keskin ótken bellesiwler juwmaǵında, Ózbekstan saylandı komandası 6 altın, 6 gúmis hám 12 qola medalın jeńip alıp, ulıwma komandalıq esapta úshinshi orındı iyelewge eristi.
Quwanıshlı tárepi sonda, ótkerilgen jáhán chempionatında 45-49 jas aralıǵında sportshılar arasında bellesiwlerge túsken Tilepbay Botabaev 98 kg salmaqta barlıq qarsılasların jeńip, jáhán chempionı ataǵına miyasar boldı.
Sportshımızdı bul tabısı menen qutlıqlap, aldaǵı jarıslarda da úlken jetiskenliklerdi qolǵa kirgiziwin tilep qalamız.

Adilbay Orazov,
Qaraqalpaqstan xabar agentligi sholıwshısı.