Ózbekstan Respublikası Prezidenti Shavkat Mirziyoev Evropa keńesiniń Prezidenti Antoniu Koshta hám Evropa komissiyasınıń Prezidenti Ursula fon der Lyayenniń mirát etiwine bola 23-oktyabr kúni rásmiy sapar menen Bryussel qalasına jónep ketti.

Mámleketimiz basshısı Belgiya paytaxtında Evropa Awqamınıń jetekshileri menen sóylesiwler ótkeredi. Kóp tárepleme qatnasıqlardı bunnan bılay da rawajlandırıw hám keńeytiw máseleleri kórip shıǵıladı.
Ózbekstan hám EA arasında Keńeytilgen sheriklik hám birge islesiw haqqındaǵı kelisimge qol qoyılıwı názerde tutılǵan.
Bunnan tısqarı, Belgiyalılar Patshası Filipp jáne Evropanıń jetekshi kompaniyaları hám finanslıq institutlarınıń wákilleri menen ushırasıwlar rejelestirilgen.