2025-jıl 20-oktyabrde “Seysmikalıq qáwipsizlikti támiyinlew hám seysmologiya tarawındaǵı jumıslardıń nátiyjeliligin bunnan bılay da arttırıwǵa baylanıslı qosımsha ilajlar haqqında”ǵı Prezident pármanı qabıl etildi.

Mádeniy miyras obektleri hám transport qurılmalarınıń jer silkiniwge shıdamlılıǵın monitoring etiw sistemasın jaratıw, seysmikalıq qáwipsizlikti támiyinlew tarawın sanlastırıw hám oǵan jasalma intellekt texnologiyaların engiziw, qurılıs maydanları ushın tiykarǵı topıraqlardı úyreniw hám olardıń bekkemligin arttırıw ilajların kóriw pármannıń tiykarǵı baǵdarları etip belgilendi.
Pármanǵa bola, 2026-jıl 1-yanvardan baslap respublikadaǵı “A-373” hám “M-39” avtomobil jollarında jáne olarǵa tutas tawlı aymaqlardan ótken temir jollarda kóshki júz beriwi itimalı joqarı aymaqlardıń turaqlı radiolokaciyalıq kosmoslıq monitoringi shólkemlestiriledi.
Jasalma intellekt járdeminde seysmikalıq qáwpi joqarı bolǵan aymaqlarda kúshli jer silkiniwlerdi orta hám uzaq múddetlerde prognozlaw ámeliyatı jolǵa qoyıladı.
Dáslepki basqıshta jasalma intellekt járdeminde kúshli jer silkiniwlerdi orta hám uzaq múddette prognozlaw Tashkent qalası mısalında shólkemlestiriledi.
2026-jıl 1-marttan baslap imarat hám obektlerdiń jer silkiniwge shıdamlılıǵı boyınsha texnikalıq jaǵdayı jasalma intellekt járdeminde tallanadı.

Dildora DWSMATOVA, ÓzA