Tashkentte bolıp ótip atırǵan Korrupciyaǵa qarsı forumda qatnasqan Evropa Awqamınıń Ózbekstan Respublikasındaǵı delegaciyası birge islesiw bóliminiń baslıǵı Xristos Marazopulos óz pikirleri menen ortaqlastı:

– Ózbekstandaǵı mámleketlik hám jámiyetlik shólkemler menen korrupciyaǵa qarsı qalay gúresiwimiz múmkin ekenligi haqqında pikir alıstıq.
Korrupciya illetine tek ǵana Ózbekstanda emes, al Evropada da dus kelemiz. Tiykarǵı maqsetimiz – bul mashqala menen qalay gúresiw haqqında.
Evropa Awqamı BMSh Rawajlanıw baǵdarlamasındaǵı isenimli sheriklerimiz birgelikte puqaralardıń isenimin bekkemlew hám olardı korrupciya jaǵdayları haqqında xabar beriwge xoshametlewshi nátiyjeli sheshimlerdi tabıw ústinde islep kelmektemiz.
Evropa tájiriybesi sonı kórsetedi, korrupciyaǵa qarsı gúresiw tek ǵana siyasiy tiykarǵı wazıypa emes, al ekonomikalıq ósiwdi qollap-quwatlaydı hám adamlardıń turmısın jaqsılawǵa járdem beredi.
Sol sebepli, korrupciya haqqında xabar beriwshilerdi qorǵaw Ózbekstan hám onıń puqaraları ushın oǵada áhmiyetli. Usı baǵdarda tayarlanǵan nızam joybarın jetik túrde qabıl etiw paydasız bolmaydı.

N.Abduraimova,
A.Alijonov (súwret), ÓzA