Jaslarǵa baylanıslı mámleketlik siyasat sheńberinde barlıq shólkemler hám uyımlar tárepinen bir qatar jumıslar ámelge asırılmaqta.

Oliy Majlis Nızamshılıq palatasınıń Jaslar máseleleri boyınsha komissiyasınıń gezektegi májilisinde Prezidentimizdiń “Korrupciyaǵa qarsı gúresiw sistemasın bunnan bılay da jetilistiriw boyınsha belgilengen tiykarǵı wazıypalardıń orınlanıwın nátiyjeli shólkemlestiriwge baylanıslı ilajlar haqqında”ǵı pármanınıń orınlanıwı boyınsha ámelge asırılǵan jumıslardıń nátiyjesi dodalandı.
Bul másele boyınsha Jaslar isleri agentligi hám Nızamshılıq palatası janındaǵı Jaslar parlamenti tárepinen ámelge asırılǵan jumıslar kórip shıǵıldı.
Atap ótilgenindey, Jaslar isleri agentligi Korrupciyaǵa qarsı gúresiw milliy keńesi menen birgelikte sociallıq tarmaqlarda kórsetiw ushın tásirsheń “Korrupciya – keleshekke qáwip” temasında qısqa metrajlı videorolik jaratıldı.
Belsendi jaslar hám jaslar jetekshilerinen ibarat bolǵan korrupciyaǵa qarsı gúresiw boyınsha respublikalıq, wálayatlıq hám rayonlıq (qalalıq) jas úgit-násiyatlawshılar toparları shólkemlestirildi. Bunnan tısqarı, volontyorlıq toparınıń wákilleri tárepinen “Korrupciya insan abadanlıǵına qarsı jınayat” temasında úgit-násiyat ilajları ámelge asırılıp, máhállelerdegi jaslar menen ashıq pikirlesiwler ótkerildi.
Jaslar parlamenti aǵzaları da birge islesiwshi shólkemler menen birgelikte aymaqlarda jaslar arasında korrupciyaǵa qarsı gúresiw hám onıń aldın alıwǵa qaratılǵan bir qatar dógerek sáwbetleri, seminar hám treninglerdi shólkemlestirdi.
Jaslar orayları hám joqarı bilimlendiriw mákemelerinde “Korrupciya – keleshek dushpanı”, “Korrupciya – keleshekke qáwip” temaları sheńberinde 3,5 mıńnan aslam jaslar menen dógerek sáwbetleri hám ushırasıwlar ótkerildi.
Sonday-aq, májiliste jaslarǵa baylanıslı mámleketlik siyasattı ámelge asırıwda ministrlikler tárepinen ámelge asırılǵan jumıslar da dodalandı. Atap aytqanda, Ayrıqsha jaǵdaylar hám Transport ministrlikleri tárepinen jaslar baǵdarında ámelge asırılǵan jumıslar haqqındaǵı maǵlıwmatları kórip shıǵıldı.
Atap ótilgenindey, Ayrıqsha jaǵdaylar ministrligi sistemasında “Jaslar balansı” qáliplestirilgen. Jaslardıń mashqalaların saplastırıw boyınsha “Jol kartası” islep shıǵılǵan.
Jas qánigelerdiń bilim hám kónlikpelerin bekkemlew maqsetinde 2 mıń 350 jastıń qatnasıwında 12 márte tarawǵa baylanıslı Breyn-ring hám viktorina, 18 márte “Zakovat” intellektuallıq oyınları ótkerilgen.
Sonday-aq, ministrlik hám onıń aymaqlıq basqarmaları hám quramnıń strukturalarında 23 márte “kitap oqıw” akciyası, 12 márte kitapqumarlıq kesheleri shólkemlestirilgen.
Transport ministrliginiń maǵlıwmatına bola, transport hám jol xojalıǵı tarawınıń 4 transport túri baǵdarı boyınsha “Innovaciyalıq ideyalar” tańlawı ótkerilip, “Ministr hám jaslar” ushırasıwı sheńberinde usı tańlaw jeńimpazları sıylıqlandı.
Sonıń menen birge, Tashkent mámleketlik transport universitetinde pitkeriwshilerdi jumıs penen támiyinlew maqsetinde “Karera kúni” miynet yarmarkası ótkerilgen.

M.Komilova, ÓzA