Bizge belgili, Ózbekstannıń tariyxında biybaha artefaktlarımız óz waqtında sırt elge túrli jollar menen shıǵıp ketken. Mine, birinshi márte Prezidentimizdiń baslamaları menen usınday siyrek ushırasatuǵın artefaktlarımız Ózbekstanǵa qaytarılıp, Islam civilizaciyası orayınıń hár bir bóliminde oǵada áhmiyetli ideyalar óz kórinisin taptı. Birinshi Renessans bóliminde kóplegen diniy ulamalar, anıq hám tábiyǵıy pánlerdegi ilimpazlardıń oylap tabıwları bar. Sonıń ishinde, birewi Ábiw Rayxan Beruniydiń globusı. Xabarıńız bar, Ábiw Rayxan Beruniy óz waqtında globus jaratqan, biraq ol bizge shekem jetip kelmegen. Sonıń menen bir qatarda Ábiw Rayxan Beruniydiń shıǵarmalarında mine usı globustıń koordinataları saqlanǵan. Ábiw Rayxan Beruniy óziniń shıǵarmalarında óz dáwirindegi 600 qalanıń koordinatasın bergen bolsa, olardan 150 i jaylastırılmaqta. Ábiw Rayxan Beruniydiń bizge jetip kelmegen globusın tiklew imkaniyatı jaratıldı.

Qaraqalpaqstan xabar agentiligi