Suw xojalıǵı ministriniń birinshi orınbasarı Zokir Ishpulatov hám BMSh Rawajlanıw baǵdarlaması (UNDP)nıń Ózbekstandaǵı turaqlı wákili Akiko Fujii xanım arasında ushırasıw bolıp ótti.

Ushırasıw dawamında tárepler suw xojalıǵı tarawında birge islesiw perspektivaları hám tarawdı rawajlandırıw jolındaǵı qádemler haqqında pikir alıstı.
Sóylesiwde BMSh Rawajlanıw baǵdarlaması Ózbekstanda suw xojalıǵı tarawında kóp jıllıq nátiyjeli birge islesiw alıp barǵanı atap ótildi. Sonday-aq, tarawda huqıqıy bazanı jetilistiriw, tómengi buwın shólkemleriniń materiallıq-texnikalıq támiynatın jaqsılaw, xızmetkerlerdiń mamanlıǵın arttırıw hám suwdan nátiyjeli paydalanıwǵa qaratılǵan joybarlardıń joqarı nátiyjeler bergeni atap ótildi.
BMSh Rawajlanıw baǵdarlamasınıń turaqlı wákili Prezidenttiń baslaması menen suw xojalıǵı tarawında alıp barılıp atırǵan keń kólemli reformalar haqqında maǵlıwmatlar berildi.
Bunnan soń sóylesiwde “Ózbekstannıń Qaraqalpaqstan Respublikasında suw hám klimat turaqlılıǵın bekkemlew” jáne “Qashqadárya wálayatında suw resursların turaqlı jámáátlik basqarıw” joybarları dodalandı.
Tárepler bul baslamalar suw resurslarınan aqılǵa uǵras paydalanıw, xalıqtıń abadanlıǵın arttırıw hám tarawda innovaciyalıq qatnaslardı engiziwge xızmet etetuǵının ayrıqsha atap ótti.

N.Ziyodullaeva, ÓzA