Senattıń Qorǵanıw hám qáwipsizlik máseleleri komiteti májilisinde qorǵanıw tarawına baylanıslı nızam dáslepki tárizde dodalandı.

“Ulıwma áskeriy minnetleme hám áskeriy xızmet haqqında”ǵı Ózbekstan Respublikası nızamına qosımshalar hám ózgerisler kirgiziw haqqında”ǵı nızamdı kórip shıǵıw dawamında Qurallı Kúshlerdi professional strukturaǵa aylandırıw hám áskeriy xızmettiń abırayın bunnan bılay da arttırıw boyınsha sistemalı jumıslar ámelge asırılıp atırǵanı atap ótildi.
Nızam áskeriy dizimge alıw hám onnan shıǵarıw tártibi, áskeriy xızmetke májbúrler hám shaqırılıwshılar haqqındaǵı málimlemeniń elektron almasıwın jetilistiriwge qaratılǵan.
Ilajda Senattıń jalpı májilislerinde dodalanǵan mashqalalı máselelerdiń sheshiliwi boyınsha Tashkent qalası hákimligi hám tiyisli ministrliklerdiń málimlemeleri tıńlandı.
Sonıń ishinde, abonentlerdiń razılıǵısız hám xabardarlıǵısız mobil baylanıs operatorları olardı tólemli SMS -xabarnamalarǵa hám xızmetlerge avtomatikalıq túrde jalǵap qoyıp atırǵanı jáne Tashkent qalasındaǵı piyadalar jer ústi ótiw orınlarında ornatılǵan lift hám eskalatorlardıń nasaz jaǵdayda ekeni, ayırım piyadalar ótiw orınlarında bolsa lift hám eskalatorlar ornatılmaǵanı menen baylanıslı mashqalalar boyınsha Tashkent qalası hákimligi, Sanlı texnologiyalar ministrligi jáne Básekini rawajlandırıw hám tutınıwshılardıń huqıqların qorǵaw komiteti basshılarınıń málimlemeleri tıńlandı.
Dodalaw juwmaǵında kórip shıǵılǵan máseleler boyınsha komitettiń tiyisli qararları qabıl etildi.

ÓzA