2025-jıl 20-oktyabrde “Tashkent arxitektura-qurılıs universiteti janında Seysmikalıq qáwipsizlik hám turaqlı qurılıs milliy izertlew institutınıń jumısın shólkemlestiriw ilajları haqqında” Prezident qararı qabıl etildi.

Qararǵa bola, Institut jumısınıń tiykarǵı baǵdarları belgilendi. Sonıń ishinde, seysmikalıq qáwipsizlikti támiyinlew hám turaqlı qurılıs tarawı boyınsha ilimiy izertlewler ótkeriw hám nátiyjelerin ámeliyatqa engiziwdi támiyinlew, tiyisli licenziya talapları hám shártlerin orınlaǵan halda qala qurılısı tarawında licenziyalanatuǵın jumıs túrleriniń barlıǵın ámelge asırıw, basqa da ilimiy shólkemler, qorlar, bilimlendiriw mákemeleri, sonıń ishinde, xalıqaralıq hám sırt el shólkemleri menen shártnamalar dúziw arqalı birgelikte ilimiy izertlewler ótkeriw Instituttıń tiykarǵı wazıypalarınan.
Instituttıń jumısı ózin-ózi qarjılandırıw principi tiykarında shólkemlestiriledi hám Keńesler qadaǵalawı astında júrgiziledi. Institutqa ilimiy ataqlar hám ilimiy dárejeler beriwshi ilimiy keńesler dúziw hám óz jumısına sáykes qánigelikler boyınsha doktorant hám erkin izleniwshilerdi tayarlaw huqıqı beriledi.

Dildora DWSMATOVA,
ÓzA