Ózbekstan parlamenti delegaciyası Jeneva qalasında bolıp ótip atırǵan Parlamentleraralıq Awqamnıń 151-assambleyasında qatnaspaqta.

Sapar sheńberinde Senat Baslıǵı Tanzila Norboeva Xalıqaralıq miynet shólkeminiń (XMSh) Ózbekstanǵa jańadan tayınlanǵan úlken koordinatorı Yuriy Shterk penen ushırastı.
Onda miynet qatnasıqların jetilistiriw, xalıqtı múnásip miynet penen támiyinlew, sociallıq qorǵawdı kúsheytiw hám kámbaǵallıqtı qısqartıw boyınsha Ózbekstanda ámelge asırılıp atırǵan keń kólemli reformalar joqarı bahalandı.
Yu.Shterk Prezident Shavkat Mirziyoevtiń basshılıǵında bul baǵdarda erisilgen jetiskenliklerdi ayrıqsha atap ótti. Ásirese, kásiplik awqamları belsendileri menen kúni keshe bolıp ótken ushırasıwda belgilengen wazıypalar XMSh ushın da áhmiyetli ekenin atap ótip, olardı ámelge asırıwda birge islesiwge tayar ekenin bildirdi.
Ushırasıwda múnásip miynet standartların engiziw, qabıl etilgen nızamlardıń orınlanıwın támiyinlew hám jańa baslamalar dodalandı.
2026 – 2030-jıllarǵa mólsherlengen “Múnásip miynet baǵdarlaması” joybarınıń islep shıǵılıwı hám Tashkentte XMSh ekspertleriniń qatnasıwında dodalanıwı miynet huqıqları hám sociallıq turaqlılıqtı támiyinlewge qaratılǵan áhmiyetli qádem sıpatında tán alındı.

ÓzA