Bul haqqında Prezident Shavkat Mirziyoevtiń basshılıǵında jasalma intellekt texnologiyaların rawajlandırıw boyınsha bolıp ótip atırǵan videoselektor májilisinde atap ótildi.

Búgin ózbek tiline mámleketlik til biyligi berilgenine 36 jıl boldı.
Prezidentimiz pursattan paydalanıp, pútkil Ózbekstan xalqın usı bayram menen qızǵın qutlıqladı.
– Bir nárseni bilińler – jasalma intellekt baǵdarlamaları nátiyjeli islewi ushın olar, bárinen burın, ózbek tilin tolıq dárejede túsiniwi zárúr, – dedi mámleketimiz basshısı.
Biraq ózbek tilindegi ádebiyatlar, maǵlıwmatlar, maqalalar, esabatlar, ilimiy jumıslardıń kópshiligi sanlastırılmaǵanı, elektron túrge ótkerilgenleri de hár qıylı dereklerde saqlanıp atırǵanı kórsetip ótildi.
Ministrler Kabinetine barlıq ministrlikler hám uyımlardıń ózindegi maǵlıwmatlardı elektron formatqa ótkeriw grafigin tastıyıqlatıw, Sanlı texnologiyalar ministrligine bolsa jasalma intellekt milliy mádeniyatımız hám qádiriyatlarımızdı ózinde sáwlelendire alıwı ushın “Ózbek tili korpusı”n jaratıw tapsırıldı.
2026-jıldıń aqırına shekem úlken kólemdegi sanlı maǵlıwmatlardı bir jerge jámlep, olardı qayta islew, tallaw, paydalanıw imkaniyatın beretuǵın «Data Lake» platformasın iske qosıw wazıypası qoyıldı.

ÓzA