Endi ministrler hám tarmaq basshılarınıń sanlastırıwǵa juwapker orınbasarları bir waqıttıń ózinde tarawda jasalma intellektti rawajlandırıwǵa da juwapker bolatuǵını belgilendi.

Qala hám rayonlarda da hákimlerdiń sanlastırıw hám jasalma intellekt boyınsha másláhátshisi lawazımı kirgiziledi.
Barlıq ministrlikler hám hákimliklerge óz strukturasında jasalma intellektti rawajlandırıw menen shuǵıllanatuǵın óz aldına bólim shólkemlestiriw hám olardıń aldına, bárinen burın, jumıs nátiyjeliligin hám xızmet sapasın arttırıw, artıqsha qárejet, “jasırın” ekonomika hám byurokratiyanı qısqartıw sıyaqlı máselelerge jasalma intellekt arqalı sheshim tabıw boyınsha anıq wazıypalardı belgilep beriw tapsırıldı.
Joqarı kórsetkishke erisken, shet tilin biletuǵın, texnologiyalıq bilimi kúshli 100 qánige AQSh, Evropa, Singapur, Yaponiya sıyaqlı mámleketlerge altı aylıq kurslarǵa jiberiledi.
Kelesi jıldan ministrlik hám aymaqlarda jasalma intellektti engiziw jaǵdayın bahalaytuǵın reyting sisteması iske qosıladı.
Prezident Shavkat Mirziyoevtiń basshılıǵında jasalma intellekt texnologiyaların rawajlandırıw boyınsha videoselektor májilisi dawam etpekte.

ÓzA