fotoreportaj

Mámleketimiz basshısınıń tiyisli tapsırmasına muwapıq, aymaqlardı sociallıq-ekonomikalıq rawajlandırıwdı jedellestiriw maqsetinde elimiz wálayatları Qaraqalpaqstandaǵı rayonlarǵa biriktirilgen.
Buxara wálayatı óz tájiriybesi tiykarında Xojeli rayonın rawajlandırıwǵa járdemlespekte. Bıyıl bul aymaqta bir qatar dóretiwshilik jumısları ámelge asırıldı. Mine, usınday sawaplı jumıslardı Xojeli rayonlıq oraylıq oyın maydanı mısalında da kóriw múmkin.
Bul futbol stadionı 2005-jılı qurılǵan bolıp, házirgi waqıtqa kelip ońlawǵa mútáj halǵa kelip qalǵan edi. Buxara wálayatı hákimliginiń baslaması menen “Birden-bir buyırtpashı injiniring xızmeti” mámleketlik unitar kárxanasınıń buyırtpası tiykarında oraylıq oyın maydanda keń kólemli qurılıs jumısları ámelge asırılmaqta. Sonıń ishinde, mıń tamashagóyge mólsherlengen stadion eki yarım mıń tamashagóy sıyımlılıǵına beyimlestirilmekte. Jasalma qaplamalı maydan jańalanıp, juwırıw jolları qurıldı. Házirgi waqıtta bul jerde sońǵı basqıshtaǵı qurılıs-ońlaw jumısları ámelge asırılmaqta. Bul maqsetke derlik 5 milliard sum qarjı qaratılǵan.

ÓzA