Samarqand mámleketlik shet tiller institutında Jipek jolı universitetleri xalıqaralıq tarmaǵı X Bas assambleyasınıń forumı bolıp ótti.

Bul abıraylı xalıqaralıq ilajǵa dúnyanıń 30 dan aslam jetekshi xalıqaralıq universitetlerinen kelgen rektor hám professor-oqıtıwshılar qatnastı.
Samarqand mámleketlik shet tilleri institutınıń birinshi prorektorı A.Kuraxmedov instituttıń jumısı, turizm, bilimlendiriw hám basqa da tarawlar ushın kadrlar tayarlaw baǵdarındaǵı jumıslar haqqında maǵlıwmat berip, Jipek jolı universitetleri xalıqaralıq tarmaǵına aǵzalıqtıń nátiyjesi haqqında sóz etti.
Jipek jolı universitetleri tarmaǵı shólkemlestirilgeniniń 10 jıllıq yubileyi sheńberindegi forumda tarmaqqa aǵza joqarı oqıw orınlarınıń rektorları menen bir qatarda tınıshlıq boyınsha Nobel sıylıǵınıń laureatı doktor Adam French te bayanat jasadı.
Kúnniń ekinshi yarımında rektorlar keńesiniń jıllıq májilisi ótkerilip, ótken 10 jıllıq jumıs juwmaqlandı hám aldaǵı rejeler belgilep alındı.
Forum sheńberinde shólkemlestirilgen xalıqaralıq studentler konferenciyası jaslar ushın ilimiy pikir alısıw, innovaciyalıq usınıslar prezentaciyası hám xalıqaralıq tájiriybe almasıw maydanına aylandı. Oǵan tarmaqqa aǵza joqarı oqıw orınlarında bilim alıp atırǵan qábiletli studentler óz ilimiy maqalası, tezis hám racionalizatorlıq usınısları menen qatnastı.

Ǵ.HASANOV, ÓzAnıń xabarshısı