Prezident Shavkat Mirziyoev kásiplik awqamları wákilleri menen ushırastı.

– Turmıs bir haqıyqattı bárqulla atap ótedi: tariyxtı puqta bilmey turıp, keleshekti qurıp bolmaydı. Sol ushın, hár bir shólkem hám mákemeniń tariyxın úyreniw, olarda miynet etken insanlardı eslew, iygilikli islerin keleshek áwladlarǵa jetkeriw bárshemizdiń minnetimiz, – dedi Prezident.
Usı maqsette ilimpazlar, taraw veteranları hám belsendileri tárepinen ótkerilgen úyreniwler elimizde kásiplik awqamları háreketine 1905-jılı tiykar salınǵanın dálilledi. Sonlıqtan, bıyıl pútkil mámleketimiz boylap, kásiplik awqamları háreketiniń 120 jıllıq yubileyi keńnen belgilenbekte.
Bunnan tórt jıl burın Tashkent qalasında shólkemlestirilgen Ózbekstan kásiplik awqamları Federaciyası tariyxı muzeyi tarawǵa baylanıslı maǵlıwmat hám eksponatlar menen xalqımızdı tanıstırıwda áhmiyetli rol atqarmaqta.
Mine usı qutlı sáne múnásibeti menen Prezidentimiz miynetkesh xalqımızǵa tereń húrmet-izzettiń kórinisi sıpatında hár bir aymaqta “Kásiplik awqamları baǵları”n shólkemlestiriwdi usınıs etti.
Wálayat hákimlerine kásiplik awqamları menen másláhátlesip, baǵlar ushın orın ajıratıw tapsırıldı.
– Kárxana hám shólkemlerdegi kásiplik awqamları da jumıs ornında, xızmetkerleri jasaytuǵın máhállelerde terek egip, jasıl aymaqlardı keńeytip, tazalıq hám abadanlastırıw jumısların shólkemlestirse, miynet jámáátlerindegi ortalıq pútkilley basqasha boladı, dep oylayman, – dedi Prezident.

ÓzA