Keyingi bes jılda olar tárepinen kárxana hám shólkemlerde 152 mıń nızam buzılıwı anıqlanǵan. Negizinde, bunday jaǵdaylar biraz kóp ekenligi, sudlar tárepinen úsh jılda 48 mıńnan aslam miynet kelispewshilikleri kórip shıǵılǵanı atap ótildi.

Kásiplik awqamları jarastırıwshı, kelisimge keltiriwshi buwın sıpatında jumıs beriwshi hám xızmetker arasındaǵı kelispewshiliklerdi sudqa shekem sheshiwde belsendilik kórsetiwi maqsetke muwapıq ekeni atap ótildi.
Sonıń menen birge, jumıs penen baylanıslı baxıtsız hádiyseler hám kásipke baylanıslı kesellikler haqqındaǵı maǵlıwmatlardıń bir pútin sisteması joq ekenligi kórsetip ótildi.
Máselen, baxıtsız hádiyseler esabı hám olardıń sebebin úyreniw otız jıl aldın qabıl etilgen húkimet qararındaǵı eskirgen normalar tiykarında qaǵazda júrgizilmekte.
Juwapker ministrlerge kásiplik awqamları menen birge baxıtsız hádiyse hám kásipke baylanıslı keselliklerge shatılıw jaǵdayları haqqında maǵlıwmatlardı alıwdıń birden-bir sistemasın iske qosıw jáne bunday hádiyselerdiń esabatın júrgiziw, sebeplerin tallaw hám oǵan sheshim tabıw boyınsha qarar joybarın kirgiziw tapsırıldı.

ÓzA