Prezident Shavkat Mirziyoev kásiplik awqamları wákilleri menen ushırasıw ótkermekte.

Kásiplik awqamları ótken dáwirde hayal-qızlar miynetin qorǵaw boyınsha úlken tájiriybe topladı. Atap aytqanda, olar “Hayal-qızlar dápteri” arqalı 4,5 million járdemge mútáj, kem támiyinlengen hayal-qızlarǵa járdem kórsetiwde bas-qas boldı.
Hayal-qızlardıń belsendi sociallıq qatlam bolıp qáliplesiwinde kásiplik awqamların jetekshi kúshke aylandırıw ushın búgin barlıq imkaniyatlar bar ekenligi kórsetip ótildi. Bul baǵdarda “Kásiplik awqamları – hayal-qızlar mápi jolında” degen súren tiykarında jańa sistemanı jolǵa qoyıw usınıs etildi.
Prezidentimiz bul sistema sheńberinde Hayal-qızlardı sociallıq-ekonomikalıq qollap-quwatlaw boyınsha komissiya hám Federaciyanı miynet bazarında hayal-qızlar ushın teńdey imkaniyatlar jaratıw, olardıń turmısta óz ornın tabıwına hám sociallıq belsendiligin arttırıwǵa járdemlesiw boyınsha jańa qatnaslardı engiziwge shaqırdı.
Turaq jay hám jasaw sharayatın jaqsılawǵa, medicinalıq, psixologiyalıq, huqıqıy járdemge mútáj, kúsh kórsetiw hám zorlıqqa ushıraǵan hayal-qızlardı da “Hayal-qızlar dápteri” arqalı qollap-quwatlaw, awıllıq jerlerde hayal-qızlardıń bántligin hám isbilermenligin qollap-quwatlaw baǵdarlamaların jáne de keńeytiw usınıs etildi.
Hár jılı miynet jámáátlerindegi gender audit nátiyjelerin dodalap, jumıs beriwshiler menen birgelikte hayal-qızlarǵa jáne de qolaylı miynet sharayatların jaratıw, 14 tarmaq kásiplik awqamları boyınsha gender teńlikti támiyinlew ushın mánzilli strategiyalar islep shıǵıw áhmiyetli ekenligi atap ótildi.

ÓzA