Globallasıw hám sanlı rawajlanıw sharayatında miynet qatnasıqları tarawında jańa túrler de keńnen en jaymaqta.

Imkaniyat hám sharayat jaratıp berilgeni sebepli búgingi kúnde 6 millionǵa shamalas xalıq ózin-ózi bánt etip, ruwzıgershiligin támiyinlemekte.
Máselen, házirgi waqıtta adamlarımız programmist, veb-dizayner, ónerment, taksi aydawshısı, kurer sıyaqlı onlaǵan kásiplerde platformalı bántlik tiykarında islemekte. Kóplegen puqaralarımız, ásirese, hayal-qızlar aralıqtan turıp miynet etiwdi úyrendi. Máhállelerdi “drayver” tarawlarǵa qánigelestiriw esabınan 1,5 million shańaraq óz shańaraǵında islep, dáramat almaqta.
Búgin bul baǵdarlar ekonomikalıq rawajlanıwımızdıń bir bólegine, olarda jumıs alıp barıp atırǵan adamlar bolsa miynet qatnasıqlarınıń teń huqıqlı subektine aylanbaqta.
Endi kásiplik awqamları da máhálleler menen tıǵız isleytuǵın nátiyjeli sistemanı jolǵa qoyıw usınıs etildi.
Bántlik ministrligine kásiplik awqamları menen birgelikte platformalarda jumıs alıp barıp atırǵan puqaralardıń miynet huqıqların qorǵaw hám miynetti qorǵawdı támiyinlew, olardıń ómiri, qáwipsizligin qamsızlandırıw boyınsha tiykarlanǵan usınıslardı Húkimetke kirgiziw tapsırıldı.

ÓzA