Mámleketimiz basshısı kásiplik awqamlarınıń jumısın bunnan bılay da rawajlandırıw hám miynet qatnasıqların jaqsılaw boyınsha keleshektegi wazıypalardı dodaladı.

Ekonomika turaqlı ósip barmaqta. Xalıqtıń turmıs abadanlıǵın soǵan sáykes túrde arttırıw ushın miynetke haqı tólewdiń eń az muǵdarı da hár jılı kóbeytip barılmaqta. Biraq bul máseleler kóbinese bir tárepleme, yaǵnıy, mámleketlik uyımlardıń esap-sanaǵı hám usınısı menen sheshilmekte.
Sonlıqtan, kelesi jıldan miynetke haqı tólewdiń eń az muǵdarına baylanıslı nızamshılıq hújjetleriniń joybarın islep shıǵıwǵa Sociallıq-miynet máseleleri boyınsha úsh tárepleme respublikalıq komissiyanı (Kásiplik awqamları federaciyası, Bántlik ministrligi, Jumıs beriwshiler konfederaciyası) da tartıw usınıs etildi.
Bul miynetke haqı tólewdiń eń az muǵdarın belgilewde xızmetkerlerdiń mápin kepillikli qorǵaw boyınsha jańasha qatnas boladı.
“Insan qádiri, onıń turmıs sapası tek ǵana miynet haqı menen emes, al sociallıq ortalıq penen de belgilenedi.
Bunıń ushın xızmetkerlerdi turaq jay, sapalı bilimlendiriw, medicina hám transport xızmetleri menen kepillikli támiyinlep, eń áhmiyetli turmıslıq talaplarına jetetuǵın dáramat tabıwına sharayat jaratıp beriwimiz zárúr”, – dedi Prezident.

ÓzA