Prezident Shavkat Mirziyoev kásiplik awqamlarınıń wákilleri menen ushırastı. Házirgi waqıtta mámleketimiz basshısı shıǵıp sóylep, taraw wákilleri menen sóylesip atır.

Kásiplik awqamları jumısınıń jańa qırları tek ǵana elimizde emes, al xalıqaralıq kólemde de olardıń ornı hám abırayınıń artıp barıwına xızmet etpekte.
Federaciyanıń baslaması menen 2021-jılı Tashkent qalasında Oraylıq Aziya mámleketleri kásiplik awqamlarınıń keńesi dúzildi.
2023-jılı Samarqand qalasında Túrkiy mámleketler kásiplik awqamları shólkemine tiykar salındı.
Federaciyanıń ótken jılı Xalıqaralıq kásiplik awqamları konfederaciyasına aǵza bolǵanı onıń dúnyadaǵı abırayın jańa basqıshqa alıp shıǵatuǵın tariyxıy waqıya boldı.
Federaciyanıń sociallıq qorǵaw, gender teńlikti támiyinlew, xızmetkerler hám olardıń shańaraq aǵzaların salamatlandırıw, mádeniyat hám sporttı rawajlandırıw baǵdarındaǵı háreketleri de tolıq qollap-quwatlandı.

ÓzA