Mámleketimiz basshısı kásiplik awqamlarınıń kárxana hám shólkemlerde miynetke baylanıslı huqıqlardı qorǵawdaǵı jankúyerligin ayrıqsha atap ótti.

Sońǵı jılları 500 mıńǵa shamalas xızmetkerdiń nızamlı huqıqları qorǵalıp, olardıń paydasına 267 milliard sum óndirip berildi.
Sonday-aq, jumıstaǵı baxıtsız hádiyseler sebepli jábirlengen 1 mıń xızmetkerge 35 milliard sum kompensaciya pulı tólep berilgen.
Bunnan tısqarı, nahaqtan bosatılǵan 13 mıń xızmetker jumısqa tiklengen.
Tórt jıl aldın Miynet hám sociallıq qatnasıqlar akademiyasınıń shólkemlestirilgeni kásiplik awqamlarınıń jumısında jańa baǵdar boldı. Prezident joqarı oqıw ornı pitkeriwshileri kárxana hám shólkemlerde miynet huqıqlarınıń qorǵawshısına aylanıp, bul tarawda nızamlılıqtı bekkemlewge múnásip úles qosatuǵınına isenim bildirdi.

ÓzA