Búgin, 17-oktyabr kúni Tashkent qalasında Túrkiy mámleketler shólkemine aǵza mámleketler jaslar hám sport máseleleri boyınsha ministrleriniń 9-májilisi bolıp ótedi.

Usı múnásibet penen bul ánjumanda qatnasıw ushın bir qatar mámleketlerdiń sport hám jaslar tarawınıń juwapkerleri elimizge keldi.
Atap aytqanda, kúni keshe Tashkent xalıqaralıq aeroportında Qazaqstan Respublikası turizm hám sport ministri Erbol Mirzabosınov, Qazaqstan Respublikası mádeniyat hám málimleme ministriniń orınbasarı Evgeniy Kochetov, Ázerbayjan Respublikası jaslar hám sport ministri Farid Gaipov, Qırǵız Respublikası denetárbiya hám sport agentliginiń direktorı Kazibek Moldajiev hám usı mámlekettiń mádeniyat, málimleme hám jaslar siyasatı ministriniń orınbasarı Marat Tagaev kútip alındı.
Kún dawamında ótkeriletuǵın ánjuman dawamında Túrkiy mámleketlerdiń basshıları qatnasıwında qol qoyılǵan birge islesiw hújjetlerindegi wazıypalardıń orınlanıwın tallaw, ulıwma maqsetlerdi sport hám jaslar háreketine integraciyalaw, usı baǵdarlarǵa baylanıslı ornatılǵan kelisimlerdi jańa basqıshqa alıp shıǵıw, iri sport ilajları, sonday-aq, jaslar ushın sistemalı joybarlar shólkemlestiriw, perspektivalı rejelerdi turmısqa engiziw sıyaqlı áhmiyetli máseleler kórip shıǵılıwı belgilengen.

T.Rwziev, ÓzA