2026-jıldıń 11-iyun sánesinen 19-iyul sánesine shekem AQSh, Kanada hám Meksika mámleketlerinde futbol boyınsha Jáhán chempionatı oyınları ótkeriletuǵınlıǵınan xabarıńız bar.

Bul jarıs baslanıwına az waqıt qalıp atırǵanı sebepli, dúnya júzi boylap chempionat haqqında hár qıylı xabarlar kóbeymekte. Bul xabarlardan biri, jarıstaǵı ushırasıwlar ushın shıǵarılǵan biletlerdiń satılıwı haqqında boldı.
Xalıqaralıq futbol associaciyaları federaciyasınıń (FIFA) bergen xabarına bola, házirgi waqıtta Jáhán chempionatınıń 1 millionnan aslam biletleri satılǵan hám bul sanlar kún sayın artıp barmaqta. Sporttaǵı eń áhmiyetli ilajlardan biri bolǵan bul chempionatqa 212 mámleketten tamashagóyler keliwi kútilmekte.
Esletip ótemiz, topar oyınları ushın biletlerdiń bahası 60-105 AQSh dollarınan 410-620 AQSh dollarına shekem bahalanǵan. Nyu-Djersi qalasında bolıp ótetuǵın final ushın 1-kategoriya biletleri 6730, 2-kategoriya 4210, 3-kategoriya 2790, 4-kategoriya bolsa 2030 AQSh dolları etip belgilengen. Biletler bahası jáne de kóteriliwi múmkin.
Maǵlıwmat ornında: mundialda 48 saylandı komanda 4 ten 12 toparǵa bólingen halda qatnasadı. Toparlarda dáslepki eki orındı iyelegen hám úshinshi orındı iyelegen eń jaqsı segiz komanda keyingi basqıshqa jol aladı.

Javohir Toshxwjaev, ÓzA