Mámleketimiz basshısı kásiplik awqamlarınıń kóp millionlı aǵzalarına óziniń joqarı húrmetin hám jaqsı tileklerin bildirdi.

– Biz búgingi kúnde óz aldımızǵa úlken shekler qoyıp, Jańa Ózbekstandı qurıw jolınan alǵa qaray isenimli qádem taslap atırmız.
Dúnyada geosiyasiy hám ekonomikalıq keskinlik háwij alıp atırǵan házirgi qıyın dáwirde elimizde tınıshlıqtı bekkemlep, kóp milletli xalqımızdıń turmısın jáne de jaqsılawǵa bekkem bel baylaǵanbız.
Qanshelli qıyın bolmasın, birgelikte qattı miynet etip, hár qıylı sınaq hám mashaqatlardan múnásip tárizde ótip barmaqtamız.
Bul baǵdarda miynetkesh hám keńpeyil xalqımız, hár bir watanlasımızdıń ornı, qosıp atırǵan úlesi sheksiz, álbette.
Búgingi dógeregimizde óz ómirin insan miynetin, onıń nızamlı máplerin qorǵawday iygilikli iske baǵıshlaǵan, tarawda uzaq jıllar nátiyjeli xızmet etip, húrmet hám itibarǵa erisken kóplegen adamlardı kórip turman, – dedi mámleketimiz basshısı.

ÓzA