Oliy Majlis Nızamshılıq palatasınıń Byudjet hám ekonomikalıq máseleler komiteti tárepinen “Ózbekstan Respublikasınıń ayırım nızam hújjetlerine Ózbekstanda islam bankiniń jumısın engiziwge qaratılǵan ózgerisler hám qosımshalar kirgiziw haqqında”ǵı nızam joybarınıń mazmun-mánisine baǵıshlanǵan seminar ótkerildi.

Ilajda islam bankiniń jumısı, islam finans jumısı, islam finans operaciyaları, islam finans standartları hám investiciyalıq depozit, islam bank jumısın ámelge asırıw huqıqın beriwshi licenziya alıw, islam qarjı operaciyaları – murabaha, muzoraba, musharaka, vakala, salam hám basqalarǵa baylanıslı túsinikler berip ótildi.
Atap ótilgenindey, islam banki jumısın ámelge asırıwshı banklerge tikkeley sawda jumısın ámelge asırıwǵa jáne yuridikalıq shaxslardı shólkemlestiriw hám yuridikalıq shaxslardıń ustav fondlarındaǵı úleslerdi yamasa akciyalardı sheklewlersiz alıwǵa ruqsat beriliwi joybarda óz kórinisin tappaqta.
Deputatlar nızam joybarı menen islam finans operaciyalarına salıq salıw boyınsha arnawlı salıq rejimi engizilip atırǵanı mikroqarjı shólkemleri tárepinen kórsetilip atırǵan islam qarjılandırıwına baylanıslı xızmetler kóleminiń artıwına da úlken túrtki bolatuǵının atap ótti.
Nızam joybarı dástúriy finanslıq xızmetlerge alternativ finanslıq xızmetlerdi engiziwge hám finanslıq qolaylılıqtı arttırıwǵa qaratılǵanı atap ótilip, onı jetilistiriw boyınsha usınıslar berildi.

M.Komilova, ÓzA