Keyingi jılları mámleketimizde parasportqa bolǵan itibar jańa basqıshqa kóterildi. Bunıń nátiyjesinde joqarı nátiyjelerge erisilmekte. Jáhán kóleminde dizimge alınıp atırǵan rekordlardıń kópshiligi de biziń erk-ıqrarlı parasportshılarımızǵa tiyisli.

Ózbekstan Respublikası Prezidentiniń 2025-jıl 30-yanvardaǵı PP-17-sanlı pármanı hám Ministrler Kabinetiniń 2025-jıl 23-iyuldaǵı 462-sanlı qararı tiykarında endi para sport penen shuǵıllanıwshı jaslar ushın qollap-quwatlaw mexanizmi engizildi.
Oǵan bola, jol haqı qárejetleriniń qaplanıwı:
Kámbaǵal shańaraqlar reestrindegi 14-30 jasqa shekemgi mayıplıǵı bolǵan perzentler ushın hár ayda BEMniń 1 esesine shekemgi muǵdarda qarjı.
Sportshılardı xoshametlew:
6 ay dawamında turaqlı parasport dógeregine qatnasqan 14-30 jastaǵı jaslar ushın BEMniń 10 esesine shekemgi muǵdarda sport forması hám inventar beriliwi názerde tutılǵan.
Bul imkaniyatlar para sportshılardıń jańa sheklerdi iyelewine áhmiyetli basqısh wazıypasın atqarıwı maqset etilgen.

Sherbek Islomov, ÓzA