Prezident Shavkat Mirziyoevtiń basshılıǵında máhálle sistemasın bunnan bılay da jetilistiriw hám orınlarda jumıslardı nátiyjeli shólkemlestiriw máseleleri boyınsha videoselektor májilisi bolıp ótti.

– Reformalarımızdıń bosaǵası bolǵan hár bir máhállege Jańa Ózbekstan nápesin alıp kiriw, bárinen burın, “máhálle jetiligi”niń birden-bir jámáát bolıp islesiwine tikkeley baylanıslı, – dedi mámleketimiz basshısı.
Sonlıqtan, máhálle baslıǵı basshılıǵındaǵı “jetilik”tiń hár bir wákili ózine juwapkershilik alıp, joqarıda qoyılǵan wazıypalardıń orınlanıwı boyınsha múrájat penen shıǵıp, bir jıllıq baǵdarlamasın xalıqqa járiyalawı áhmiyetli ekenligi atap ótildi.
Wálayat hám rayon hákimleri de hár bir máhálle kesiminde isleytuǵın hár aylıq jumısların jergilikli keńeslerde qorǵap, adamlarǵa múrájat jollaydı. Hár ayda máhálle xalqı menen tikkeley ushırasıp, ǵalaba xabar quralları arqalı islengen jumıslar boyınsha xalıqqa esap beriw tapsırıldı.
Májilis dawamında aymaqlar basshılarınıń esabatları tıńlandı, máhálle baslıqları menen sóylesti.

ÓzA