Prezident Shavkat Mirziyoevtiń basshılıǵında máhálle sistemasın bunnan bılay da jetilistiriw hám orınlarda jumıslardı nátiyjeli shólkemlestiriw máseleleri boyınsha videoselektor májilisi dawam etpekte.

Rayon hákimleri berilip atırǵan qarjıdan aqılǵa uǵras paydalanıp, “máhálle jetiligi” menen jańa qatnaslar tiykarında islewi zárúrligi atap ótildi.
Máselen, Norindaǵı Shwrariq máhállesi átirapındaǵı jáne 6 máhállege xızmet kórsetetuǵın orayǵa aylanbaqta. Bunnan ruwxlanıp, “Zamanagóy gúzar, servis orayı, baqsha, mektep quraman, óndiris isleymen!” dep onlaǵan isbilermenler baslama menen shıqtı.
Átiraptaǵı 6 máhálleniń shtatınan durıs paydalanıp, únemlengen qarjı esabınan arxitektor hám urbanist tartılǵanı nátiyjesinde bul 7 máhálleniń kórinisin pútkilley ózgertiw ushın imkaniyat payda bolmaqta.
– Sebebi isbilermenler jumısın baslaw hám biznesin keńeytiw ushın, birinshi gezekte, jaqsı orın sorap atır. Hár bir máhállede adamlar kóp háreketlenetuǵın kóshe bar ma – bar! Bos jer hám imaratlar bar ma – bar! Tek ǵana qánige menen usı jerdiń joybarın tayarlap, infrastruktura etip beriw kerek, – dep wazıypa qoydı Prezident.
Wálayat, rayon hám qala hákimlerine Reformalar shtabı menen birge birinshi basqıshta 33 rayon hám 330 máhállede jumıslardı áne usınday qatnas tiykarında jolǵa qoyıw tapsırıldı.

ÓzA