Bir ay aldın “Baslamalı byudjet” boyınsha jańa qarar qabıl etilip, máhállede adamlardıń ózi belsendi bolıp baslaǵan joybarlarǵa járdem beretuǵın sistema engizildi.

Onda qaysı máhállede xalıq jol, suw, mektep, baqshanı ońlawdı baslaǵan bolsa, qárejetiniń yarımın mámleket kóteredi. Bul maqsetler ushın kelesi jılı jáne 1 mıń joybarǵa 500 milliard sum ajıratıladı.
Prezidentimiz bul baǵdarda jáne bir jańalıqtı járiyaladı. Usı jıldan baslap Salıq komiteti jer hám múlk salıqlarınıń tólengenlik dárejesine qarap, “Eń jaqsı salıq tólewshi máhálle” reytingin járiyalaydı.
Onda 100 likke kirgen máhállege “Baslamalı byudjet”tiń jańa sisteması boyınsha infrastruktura qárejetiniń 75 procenti byudjetten tólep beriledi. Sonday-aq, bul máhállelerdiń hár birine qosımsha 2 milliard sumnan ajıratıladı.
Nızamshılıq palatasınıń deputatlarına óz okrugindegi máhálleler infrastrukturasın jaqsılaw ushın hár birine 3 milliard sumnan qarjı beriledi.
Máhálle aymaǵında sanitariya, ekologiya hám nızamsız qurılıs boyınsha járiymalardıń 10 procenti máhálle byudjetine qaratıladı. Máhállelerdiń byudjetine 2026-jıldan baslap hár jılı 200 milliard sumnan ajıratıladı.
Mine, usı aytıp ótilgen bes derek esabınan kelesi bir jıl ushın 2 mıń máhállege qosımsha 8,5 trillion sum qarjı berip atırmız, – dedi Prezident.
Prezident Shavkat Mirziyoevtiń basshılıǵında máhálle sistemasın bunnan bılay da jetilistiriw hám orınlarda jumıslardı nátiyjeli shólkemlestiriw máseleleri boyınsha videoselektor májilisi dawam etpekte.

ÓzA