Mámleketimizde ámelge asırılıp atırǵan sociallıq-ekonomikalıq reformalardıń barısı hám aymaqlardaǵı mashqalalardı úyreniw boyınsha jergilikli deputatlardıń óz saylaw okruglerindegi puqaralar menen ushırasıwları dawam etpekte.

Qaraqalpaqstan Respublikası Joqarǵı Keńesi tárepinen deputatlardıń 2025-jıldıń úshinshi sheregi dawamında óz jumısları boyınsha saylawshılarǵa málimleme beriw haqqındaǵı tastıyıqlanǵan reje-kestege muwapıq 20-Sarabiy saylaw okruginen deputat S.Annaqlichev tárepinen rayon hákimligi, tiyisli uyım juwapkerleriniń qatnasıwında “Sarabiy” máhállesi aymaǵında “Sarabiy”, “Barxayot”, “Qoshqwra”, “Paxtachi”, “CHwpon” hám “Qilchinoq” máhálleleriniń turǵınları menen esabat ushırasıwı ótkerildi.
Onda deputat tárepinen saylawshılarǵa esap berilip, jańa nızam, qararlar, aymaqtı rawajlandırıw baǵdarında aldaǵı isleniwi belgilengen jumıslar tanıstırıldı.
Sonday-aq, «máhálle jetiligi»niń puqaralardıń múrájat hám mashqalaların úyreniwi, ámeliy sheshiminde deputatlar menen tıǵız baylanısta birge islesiwi boyınsha máseleler kelisip alındı.
Bunnan soń puqaralardı qıynap kiyatırǵan mashqala hám múrájatlar tıńlanıp, orınlanıwı tiyisli tártipte qadaǵalawǵa alındı.
Ushırasıwda deputat qadaǵalawı menen ámeliy sheshimin tapqan múrájat iyeleri de shıǵıp sóylep, óz minnetdarshılıǵın bildirdi.

Qaraqalpaqstan xabar agentligi