«Prezident Shavkat Mirziyoevtiń ashıq-aydınlıq siyasatı hám mámlekettiń abadanlıǵın arttırıwǵa qaratılǵan reformaları sebepli Ózbekstan hám ETRB arasındaǵı óz-ara paydalı birge islesiw sapa jaǵınan jańa basqıshqa kóterildi.
Banktiń járdeminde irrigaciya hám “jasıl” ekonomika tarawlarında ámelge asırılıp atırǵan keń kólemli infrastrukturalıq joybarlardı ayrıqsha atap ótiw kerek.

Biz mámleketimizdegi kóplegen hayal-qızlar hám jaslardıń turmısın unamlı tárepke ózgertip atırǵan “Women in Business” hám “Youth in Business”baǵdarlamaları qollap-quwatlanıp atırǵanı, sonday-aq, Qaraqalpaqstanda aymaqtıń turaqlı rawajlanıwına qaratılǵan joybarlardı jolǵa qoyıw boyınsha birge islesiwdi joqarı qádirleymiz.
Ushırasıwda Oraylıq Aziya mámleketleriniń jaqsı qońsıshılıq baǵdarındaǵı ulıwmalıq háreketleri sebepli regionda isenim hám birge islesiw ortalıǵı qálipleskeni haqqında birdey pikir bildirildi. ETRB menen sheriklik bunnan bılay da Ózbekstan hám pútkil regionnıń rawajlanıwına xızmet etetuǵınına isenemen», dep jazbaqta Saida Mirziyoeva óziniń telegram kanalında.

Qaraqalpaqstan xabar agentligi