Oliy Majlistiń Insan huqıqları boyınsha wákili (Ombudsman)niń regionallıq wákilleri jazanı orınlaw mákemeleri hám tergew qamaqxanalarında dúzeliw jolına ótken qamaqtaǵılarǵa juwmaq beriw boyınsha komissiyalar májilislerinde qatnaspaqta.

Ózbekstan Respublikası Jınayat-orınlaw kodeksiniń 102-1-statyasına muwapıq, komissiyalar quramına Ombudsmannıń regionallıq wákilleri, xalıq deputatları jergilikli keńesleriniń deputatları hám jámiyetshilik wákilleri kiretuǵını belgilengen.
Usı kúnlerde Tashkent qalası, Surxandárya, Sırdárya, Ándijan, Xorezm, Samarqand, Namangan, Buxara hám Qashqadárya, Ferǵana hám Nawayı wálayatlarındaǵı jáne Qaraqalpaqstan Respublikasındaǵı jazanı orınlaw mákemeleri hám tergew qamaqxanalarında bolıp ótken komissiya májilislerinde Ombudsmannıń aymaqlardaǵı regionallıq wákilleri qatnastı. Májilislerde ulıwma esapta 16 mıń 435 mıń sudlanıwshıǵa “dúzeliw jolına ótken” degen juwmaq berildi.
Sonıń ishinde, Tashkent qalasındaǵı 21-sanlı jazanı orınlaw koloniyası hám 23-sanlı qamaqtaǵılar ushın qánigelestirilgen emlewxanadaǵı komissiya májilislerinde mıńnan aslam qamaqtaǵılarǵa “dúzeliw jolına ótken” degen mazmundaǵı juwmaq rásmiylestirildi.
Komissiya aǵzaları tárepinen juwmaq beriwde qamaqtaǵılardıń ishki tártip-qaǵıydalarǵa ámel etiwi, miynet tártibi, bilimlendiriw hám kásip-ónerge qızıǵıwshılıǵı, sonday-aq, jámiyetlik jumıslar hám mádeniy-aǵartıwshılıq ilajlarda qatnasıwı esapqa alınbaqta.

N.Abduraimova, ÓzA