Qorshaǵan ortalıqtı saqlaw, ekologiyalıq mádeniyattı arttırıw hám “jasıl” ideyalardı ámelde qollap-quwatlaw ushın bunnan bılay, hár jılı 10 milliard sumǵa shekem qarjı ajıratıladı.

Atap aytqanda, Ministrler Kabinetiniń usı jıl 8-oktyabrdegi qararına bola, Jaslar isleri agentligi janında “Jasıl baslamalardı qollap-quwatlaw qorı” shólkemlestirildi.
Jaslarda tábiyatqa muhabbat sezimin oyatıw, qorshaǵan ortalıqtı qorǵawǵa qaratılǵan joybarlardı qollap-quwatlaw maqsetinde shólkemlestirilgen qor tárepinen endi tómendegi baslamalar qarjılandırıladı.
Sonıń ishinde, tábiyatqa mehir hám ekologiyalıq mádeniyattı arttırıwshı joybarlar, shıǵındılardı qayta islew, jasıl energiya hám ekologiyalıq taza texnologiyalardı rawajlandırıw, terek egiw hám tárbiyalaw baslamaları jáne klimattıń ózgeriwi hám ekologiyalıq turaqlılıq boyınsha jaslardıń ideyaları qarjılandırıladı.
Sonday-aq, eko temadaǵı video, animaciya hám media joybarlar, energiyanı únemlew boyınsha tańlawlar hám akciyalar, toǵaylardı tiklew, ekologiyalıq turizmdi rawajlandırıw baslamaları jáne eko-chellenjler hám energiya jumsalıwın azaytıwshı mobil qosımshalar jaratıw joybarları da finanslıq áhmiyetke iye boladı.

Gulnoza Boboeva, ÓzA