Mámleketimizdiń rawajlanıwı, xalqımızdıń abadanlıǵın támiyinlew baǵdarındaǵı reformalar keń tús almaqta.

Turaqlı ekonomikalıq ósiwdi támiyinlew, mámleketlik basqarıwdı jetilistiriw, nızam ústinligin bekkemlew hám mámlekettiń xalıqaralıq maydandaǵı abırayın arttırıw baǵdarında erisilgen jetiskenliklerdiń salmaǵı artpaqta. Bul processte áhmiyetli strategiyalıq baylanıslar kúsheytilmekte.
“Ózbekstan reformalarınıń nátiyjeleri sanlarda” toplamında atap ótilgen maǵlıwmatlar elimizdiń rawajlanıwı, xalqımızdıń abadanlıǵın támiyinlew baǵdarındaǵı reformalardı ashıp beredi.
Sonıń ishinde, Ózbekstanda sırt mámleketlerdiń diplomatiyalıq wákilxanaları jáne xalıqaralıq hám húkimetleraralıq shólkemlerdiń wákilxanalarınıń sanı 180 nen astı.
– Mámleketimizdiń sırt eldegi diplomatiyalıq wákilxanaları hám konsullıq mákemeleriniń sanı 54 ke jetti.
– Ózbekstanǵa puqaraları vizasız kiriwi múmkin bolǵan sırt mámleketlerdiń sanı 90 nan arttı.
– Xalıqaralıq shólkemler menen birge islesiw bekkemlenbekte, sonıń ishinde: BMSh, EQBSh, ǴMDA, Shanxay birge islesiw shólkemi, Islam birge islesiw shólkemi, Túrkiy mámleketler shólkemi hám Ekonomikalıq birge islesiw shólkemi hám basqa da shólkemler sheńberinde global tınıshlıq, qáwipsizlik hám ekonomikalıq rawajlanıwǵa baǵdarlanǵan baylanıslar rawajlandı.
– Ózbekstannıń baslaması menen 2017-2025-jıllarda BMSh Bas Assambleyasınıń 11 rezolyuciyası qabıl etildi.
Rawajlanıw strategiyası orayınıń maǵlıwmatına bola, bul toplamda turaqlı ekonomikalıq ósiwdi támiyinlew, mámleketlik basqarıwdı jetilistiriw, nızam ústinligin bekkemlew hám mámlekettiń xalıqaralıq maydandaǵı abırayın arttırıw baǵdarında erisilgen eń áhmiyetli kórsetkishler usınıs etilgen.

A.RUSTAMOV, ÓzAnıń xabarshısı