7-oktyabr kúni Ózbekstan Respublikası Prezidenti Shavkat Mirziyoev hám Rossiya Federaciyası Prezidenti Vladimir Putinniń telefon arqalı sóylesiwi bolıp ótti.

Mámleketimiz basshısı Rossiya jetekshisin tuwılǵan kúni menen qızǵın qutlıqlap, oǵan bekkem densawlıq, baxıt-saadat hám tabıslar tiledi, dos Rossiya xalqına bolsa tınıshlıq tiledi.
Joqarı dárejedegi kelisimlerdi ámelge asırıw sheńberinde Ózbekstan – Rossiya keń kólemli strategiyalıq sheriklik hám awqamlaslıq qatnasıqların jáne de rawajlandırıw hám bekkemlewdiń áhmiyetli máseleleri dodalandı.
Óz-ara tovar almasıw kórsetkishleriniń ósiw pátin dawam ettiriw, jetekshi kárxana hám komaniyalardıń sanaat, energetika, awıl xojalıǵı hám basqa tiykarǵı baǵdarlardaǵı kooperaciya joybarların alǵa qoyıw, eki mámleket aymaqlarınıń isbilermenlik qatnasıqların keńeytiwge ayrıqsha itibar qaratıldı.
Belsene mádeniy-gumanitar almasıwlar dawam etip atırǵanı úlken qanaatlanıwshılıq penen atap ótildi.
Tárepler xalıqaralıq hám regionallıq áhmiyetke iye tiykarǵı máseleler boyınsha da pikir alıstı, bolajaq ilajlar rejesin dodaladı.

ÓzA