Jas shıpakerler hám texnologiya tarawı qánigeleri keleshek medicinası ushın sheshimler izlep, bir maqset jolında birlespekte. Sanlı qurallar arqalı insan ómirin saqlap qalıw, diagnozdı jáne de anıq hám emlewdi jáne de qolaylı etiw haqqında oylamaqta.

Negizinde olardıń hár biriniń ózine tán turmıslıq tariyxı, usı ortalıqqa qosılıwına túrtki bolǵan jeke sebepleri bar. Kópshilik “Hackathon”ǵa sıylıq ushın emes, al jaqınlarınıń dártin sezingeni hám olardıń turmısın ózgertiwshi ilaj tabıwdı qálegeni ushın kelgen. Sonıń ushın da olardıń kózleri jaynap tur, ámeliy ilajlardıń nátiyjeli hám paydalı bolǵanı da sonnan. Endigi ulıwma maqsetimiz – bul joybarlardı toqtatıp qoymaw, olardı juwmaǵına jetkeriw, rawajlanıwına járdemlesiw hám investorlardı tartıwda járdemlesiw bolıp tabıladı.
Qatnasıwshılar arasında óz ideyaların isenimli qorǵap atırǵan, siyrek ushırasatuǵın ónimler jaratıp atırǵan hám quramalı texnologiyalardı isenim menen ózlestirip atırǵan qızlardıń kóp ekenliginen quwanıshlıman.
“HealthTech AI Hackathon” – mámleketimizdiń barlıq aymaqların qamtıp alatuǵın keń kólemli “AI Hackathon” ulıwma milliy joybarınıń bir bólegi bolıp esaplanadı. 2026-jıldıń aqırına shekem onda mıńlaǵan jas qánigeler qatnasadı. Olardıń arasında elimizdi joqarı sheklerge alıp shıǵatuǵın bolajaq novatorlar, ilimpazlar hám jetekshiler bar ekenine isenemen. Keyingi basqısh Samarqandta ótkeriledi!
Ideyalarıńız, jigerliligińiz hám jańalanıwlarǵa bolǵan isenimińiz ushın bársheńizge raxmet! Bul – baslanıwı, eń úlken jeńisler ele aldında!» – dep jazbaqta S.Mirziyoeva óziniń telegram kanalında.

Qaraqalpaqstan xabar agentiligi